Imbinglay ni Atok Mayor Franklin Smith a dakkel ti epektona kadagiti mannalonda ti panag-import kadagiti carrots.
Sigun kenni Mayor Smith, kasapulan kuma a maipakammo ken makonsulta dagitoy sakbay a maipatungpal dagiti nasao a desisyon gapu ta isuda ti umuna a maapektaran iti daytoy.
Iti pannakiuman iti Bombo Radyo kenni Mayor Smith, inwaragawagna a saan a nalaka ti agbalin a mannalon ta adu dagiti karit a sangsangoenda manipud iti panagmula agingga iti panangilako kadagiti apitda.
Nupay kasta, impeksa ti Mayor a ‘resilient’ dagiti farmers , banag a pinagyamananna.
Ginuyugoyna met dagiti mannalon a saanda a maawanan iti namnama iti laksid dagiti karit a sangsangoenda iti panagmula ken panagbiagda.Maipalagip a iti napalabas a bulan, inmadu ti supply ti repolyo isu nga bimmaba iti presyo daytoy.
Iti baet dayta, pinagyamananna dagiti partner agencies dagitoy a naggapu iti National Capital Region (NCR) a nangtulong kadakuada babaen iti pananggatang kadagiti nateng dagiti mannalon. //Bombo Khey
