Bimmaba ti inflation rate iti rehiyon Cordillera iti 3.4% idi bulan ti Agosto, nababbaba no iti 4.8% a percent rate idi Hulyo, iti agdama a tawen.
Inlawlawag ni Philippine Statistics Authority (PSA)-CAR Chief Statistical Specialist Aldrin Federico Bahit, Jr., a ti kangrunaan a rason iti panagbaba ti inflation ket gapu iti panagbaba ti presyo dagiti sumagmamano a taraon ken non-alcoholic beverages iti 4% manipud iti 6.5% idi Hulyo.
Malaksid iti dayta, bimmaba metlaeng daytoy gapu iti decline iti transport costs iti 2.3,no sadino addaan daytoy iti 28.9% share iti overall inflation downtrend iti rehiyon.
Karaman metlaeng iti panagbaba ti inflation rate ti masansan a panagbaba ti presyo ti produkto a petrolyo ken dadduma pay.
Kabayatanna, dagiti met top five commodities a nangitunda iti inflation iti rehiyon ket ti bagas, liquified petroleum gas, electricity ken dadduma pay.
Nakairekord met ti Mountain Province iti kangatuan nga inflation rate nga addaan iti 4.9%.
