Balligi a naispal ti National Bureau of Investigation (NBI) dagiti innem a minor de edad a biktma ti online sexual exploitation sadiay Surigao del Sur.
Sigun kenni NBI Human Trafficking Division Chief Ma. Rosalie Laguardia, naarestar itan ti Pilipino a maatap nga aglaklako iti child sexual abuse and exploitation materials.
Karaman kadagiti biktima ti agtawen iti walo agingga iti 17.
Maibasar iti imbestigasyon dagiti otoridad, agduduma ti bayad dagiti foreign customers no sadino depende iti Child Sexual Abuse wenno Exploitation Materials (CSAEM).
Sigun kenni Laguardia, adda ti pakainaigan ti nagannak dagiti dadduma a biktima iti nasao nga iligal nga aktibidad.
Iti agdama, naiturong ti kaso iti counterpart ti NBI nga Australian Federal Police kalpasan ti pannakaarestar ti maysa nga Australian national ken pannakompiskar dagiti child sexual abuse materials.
Kabayatanna, agtultuloy ti imbestigasion ti NBI gapu iti posibilidad nga adu ti karaman iti online sexual exploitation iti nasao a lugar.
