Kiniddaw ti Land Transportation Franchising and Regulatory Board (LTFRB) iti Land Transportation Office (LTO) a suspenderenda ti driver’s license ti jeepney driver a naakusaran a nang-body shame iti babai a pasaherona.
Napasamak ti insidente idiay Parañaque City itay nabiit nu sadino maatap a napababa iti jeep ti 29-anyos a babai a pasahero gapu iti kinalukmegna.
Nagviral daytoy idi impablaak ti biktima a ni Joy Gutierrez iti social media ti napasamak kenkuana.
Kinondenar met daytoy ti Land Transportation Franchising and Regulatory Board rason a nangipatungpalda ti imbestigasyon.
Impetteng ni LTFRB chairman Teofilo Guadiz III a rumbeng laeng a masuspendir ti driver’s license ti jeepney driver a ni Arneto Palisan kas maitunos iti Republic Act 4136.
Malaksid iti daytoy, mangipataw metlaeng ti nasao nga ahensiya ti P15,000 a multa kontra iti driver ken iti agtagikua iti jeep gapu iti saan a nasayaat a panangtrato iti pasaheroda.
Binallaagan met ti LTFRB dagiti jeepney drivers ken operators a maipadada iti sitwasyon ti nasao a driver nu aramidenda ti kapada nga insidente.
