Impakaamo ti China a mangipatungpal dagitoy ti joint military drills kaduada ti Russia kasaruno ti panagtaripnong ti Western defense alliance nga indauluan ti US idiay Washington ken Japan iti dumakdakkel a pangta manipud iti napigsa a singgalut ti Beijing iti Moscow.
Inlaksid ti Beijing dagiti pakdaar kas “irresponsable ken makagargari,” sumagmamano nga oras kalpasan a kinuna ti defense ministry ti China a rinugianda ti dua a military exercises– a maawagan iti Joint Sea-2024 — a napasamak iti nasapsapa a bulan nga agpaut agingga iti tengnga daytoy a bulan.
Dagiti nasao a panagsanay ket ad-adda a mangpauneg ti relasion ti China ken Russia wenno China-Russia comprehensive strategic partnership para iti baro a panawen.
Sigun iti ministry, mapaspasamak ti nasao a panagsanay kas maitunos iti tinnawen a plano ti Beijing ken Moscow.
Dimteng ti panangiwaragawag iti nasao a lawas a nagtitipon dagiti lider ti NATO idiay Washington tapno pasingkedanda manen ti suportada iti Ukraine iti tengnga ti panangraut ti Russia.
