Inpakaammo ni Atty. Gustavo Dalen, Election Officer iti Tabuk City, Kalinga a kaadwan kadagiti saan a nagtungpal iti pagalagadan seknan iti umno a rukod dagiti campaign materials iti nasao a lugar ket maysa a partylist ken maysa a kandidato iti kinasenador.
Sigun kenni Atty. Dalen, nakabilan dagiti poste iti koryente kasta met dagiti light post kadagiti tengnga iti pagnaan.
Gapu iti dayta, binaklasda dagitoy ken temporaryo nga indulinda para iti panakaireportna iti provincial supervisor ken para iti inventory.
Mainaig iti dayta, inyunay-unay iti nasao nga opisial a saan a mabalin nga agrason dagiti nangipaskil iti tarpaulin a saanda nga ammo dagiti pagalagadan iti Commission on Elections gapu ta naipaayan dagitoy iti 72 nga oras ken pakaammao nga ikkatenda dagiti nadakamat a campaign materials.//mp4
