--Ads--
Ammo yo kadi ka Bombo nga adda ti isla a napatakderan iti maymaysa a balay ken namulaan iti kayo?
Daytoy ket ti kabassitan nga isla idiay Alexandria Bay, New York?
Ti nasao nga isla ket addaan iti kalawa a 310 square meters ken maiarig daytoy iti maysa a tennis court.
Daytoy ket maysa kadagiti 1,864 nga isla a mangbukbukel iti Thousand Islands.
Maikonkonsidera pay daytoy kas addaan iti kabassitan a populasyon, ngem saan paylaeng daytoy a nabigbig ti Guinness World Records.
Immuna a napanaganan daytoy kas Hub Island ngem nasukatan daytoy iti Just Room Enough.
Ti Just Room Enough Island ket ginatang dagiti Sizeland Family idi tawen 1950s tapno agserbi kas vacation house dagitoy.//via Bombo Noveh
