--Ads--
In-inot nga agrekrekober ti munisipyo ti Kabayan, Benguet manipud iti dadael nga imbati ti Super typhoon Uwan iti nasao a lugar.
Iti interview iti Bombo Radyo kenni Kabayan Mayor Rex Alwin Aquisan, ar-aramidenda ti kabaelanda a mangdanun kadagiti masakupanda a luglugar nangruna dagiti isolated areas iti nasao a munisipyo.
Iti agdama, ti Barangay Edet, Tawangan, ken Barangay Lusod dagiti nailistada nga isolated areas idiay Kabayan nu sadino dumanon iti 621 a pamilya dagiti naapektaran iti nasao a bagyo.
Sigun kenni Mayor Aquisan, nangipatulodda idiay iti Incident Management Team a mangdalus kadagiti kalsada idiay tapno naparpartak ti panangipatulodda iti tulong kadagiti umili idiay.//Bombo Karen
