Inwaragawag ni general manager Joeben Tai a mangipasdek ti gobierno kadagiti tiendaan ti Kadiwa ken aglako iti P33 tunggal kilo ti bagas kadagiti housing sites ti National Housing Authority (NHA) mangrugi ita a bulan.
Iti maysa a media forum, kinuna ni Tai nga aggigiddan ti panaglukat dagiti tiendaan ti Kadiwa manipud Abril agingga Mayo 2025.
Malukatan daytoy iti Central Luzon ken Region IV, partikular iti San Jose del Monte, Bulacan; Laguna; Naic ken Bacoor idiay Cavite; ken munisipyo iti Rizal.
Ti programa a Kadiwa ng Pangulo ket mangipaay kadagiti Pilipino a makaala ti nalaka a bagas ken dadduma pay a tagilako iti agrikultura, kas iti nateng, karne, ken ikan.
Pormalen ti programa babaen ti panagpirma ti katulagan ti National Housing Authority ken ti Department of Agriculture (DA) a napirmaan idi bulan ti Marso.
Mangilako dagitoy iti P33 tunggal kilo a bagas kadagiti housing sites, nu sadinno dagiti benepisiario ti pamilia ket makagatang manipod iti tallo agingga lima pulo a kilo wenno maysa a sako ti bagas.
