Naragsakan ti kapamilya ni Gerardo dela Peña, 85-anyos, ti kalakayan a political prisoner iti pagilian a Pilipinas kalpasan a nawaya-wayaan daytoy iti pagbaludan itay nabiit.
Sigun kenni Bureau of Corrections (BuCor) Director General Gregorio Catapang Jr., nawaya-wayaan ni Dela Peña iti pagbaludan gapu iti good conduct time allowancena, rason a bimmaba ti sentensyana iti sangapulo ket dua a tawen kas maibasar iti pammilin ni Executive Secretary Lucas Bersamin.
Ti anak daytoy ti nangsundo kenkuana itay Domingo ken nagdiretsoda a nagawid idiay Camarines Sur.
Maipalagip Dela Peña ket sigud a lider ti Camarines Norte chapter ng Samahan ng Ex-Detainees Laban sa Detensyon at Aresto (SELDA) ken daytoy ket naarestar idi Marso 21,2013 gapu iti kaso daytoy a murder.
