Kangrunaan a parikut a sangsanguen dagiti turista nu sumang-at iti probinsya ti Benguet ti sabali a terrain ken kamali nga impormasyon manipud kadagiti navigation applications sigun iti highway patrol group iti nasao a probinsia.
Iti pannakiuman ti Bombo Radyo kenni Police Chief Master Sergeant (PCMS) Norbert P. Calabson, Highway Patrol Group iti probinsya ti Benguet kinunana a saan a kabisado dagiti turista dagiti dadduma a terrain iti probinsia.
Sigun kenkuan, kadawyan a pakapaspasamakan ti aberya iti kalsada idiay Marcos Highway.
Iti sabali a bangir, kadawyan a maobobserbaran dagitoy ti masansan pannakaiyaw-awan digiti turista no agusar dagitoy kadagiti navigation applications agsipudta, sabali a direksiyon ti pangiturturungan ti nasao nga aplokasion.//Gen
