Ninayonan manen ti gobierno iti Pilipinas ti visa requirements para kadagiti turista a Chinese tapno masigurado ti seguridad ti publiko apaman a sumrek dagitoy iti pagilian.
Gapu iti daytoy, kasapulanen a mangisubmitir dagitoy iti Chinese Social Insurance Record Certificates.
Ti certificate ket kasapulan a nakarehistro, innem a bulan ti napalabas sakbay ti aplikasyon dagitoy.
Nupay kasta, saanen a kasapulan a mangisubmitir iti nasao a requirements dagiti Chinese Nationals a nakaenroll iti primary, secondary ken college education no sadino kasapulan laeng a mangisubmitir dagitoy iti proof of enrollment, kasta met dagiti a mailaksid dagiti retirees nga agtawen iti 55 nga agpangato.
Ti kanayunan a visa requirements ket kas paset iti agtultuloy a panagregget ti nasao a departamento tapno mapasayaat dagiti visa policies ken regulations para iti seguridad dagiti sumrek a gangganaet a bisita.
Sigun kenni Department of Foreign Affairs Undersecretary Jesus Domingo ti nasaa nga addang ket saan a mainaig iti national security issues no diket maibasar daytoy iti best practice nga ar-aramiden dagiti dadduma a foreign embassies kas iti Japan, South Korea, United States ken United Kingdom.
Innayonna pay a ti baro a polisiya ket para iti pagsaayatan dagiti Chinese National gapu ta biktima dagitoy kadagiti kailianda iti Philippine Offshore Gaming Operator’s (POGO)-related crimes.//Rose
