Agpatpataming itan ti agtawen iti bente uno(21) a biktima ti pammagsul idiay 23A Lower Liwanag, Baguio City.
Napasamak ti insidente idi kalman nu sadino, maibasar iti inisyal nga imbestigasyon, kinadwaan ti biktima ti kasinsin daytoy a nagturong iti inuman.
Idi nakaawid dagitoy, nagturong ti biktima iti common CR nu sadino, nakitana ti suspect nga agpakpakan iti taraken nga aso.
Kasaruno dayta, kellaat nga innala ti suspect ti immuko wenno kitchen knife daytoy a pinangbagsulna iti biktima iti saan laeng a maymaysa a daras.
Nupay kasta, adda ti nakaimatang iti naso nga insidente ken dagus a naitaray ti biktima iti pagagasan.
Iti agdama, addan ti agtawen iti limapulo(50) a suspect iti kustidoya dagiti kapulisan.
Maob-oberbaran paylaeng met ti kasasaad ti biktima a residente metlaeng iti nadakamat a lugar.//Bombo Jez Lapizar
