Posible a maipilaan iti kaso a sedition dagiti indibdiwal a karaman iti napasamak a kinaranggas iti tignay-protesta idiay Manila idi Domingo.
Daytoy ti kinuna ni Interior Secretary Jonvic Remulla mainaig kadagiti indibidwal nga adda itan iti kustodiya iti Manila Police District (MPD) a maipaspasidong iti interogasyon.
Immapela met ni Palace Press Officer Attorney Claire Castro kenni Remulla ken Acting PNP Chief Police Lieutenant General Jose Melencio Nartates nga adalenda a naimbag nu mabalin a pilaan iti inciting to sedition ni sigud nga Ilocos Sur Governor Chavit Singson a maatap a nangguyugoy kadagiti agtutubo a makipaset iti protesta.
Sigun kenni Atty. Castro,kayat ni President Ferdinand Marcos Jr. a maipaayan iti kaskenan a pannusa dagiti adda iti likudan iti kinaranggas iti naipatungpal a tignay-protesta.
Sigun met kenni Nartatez, posible metlaeng a maipila ti kaso a terorismo kadagiti responsable iti nasao a kinaranggas.
