BENGUET – Dumanon iti 702 a kaso ti nailista ti probinsya ti Benguet iti sakit a dengue manipud Enero a uno agingga Mayo a dies iti agdama a tawen.
Daytoy ket nangatngato iti 41% manipud iti sigud a nailista a dumanon iti agarup 288 a kaso idi napalabas a tawen iti kapada a reporting period, kas maibasar iti monitoring ti Provincial Epidemiology and Surveillance Unit ti Provincial Health Office.
Ti munisipyo ti Itogon ti addaan iti kangatoan a kaso a dumanon iti 175, sarunoen ti La Trinidad nga addaan iti 104 a kaso ken ti Kapangan a nakailista iti 84 a kaso.
Gapu iti panagngato iti kaso ti sakit a dengue, makidkiddaw ti koordinasyon ti tunggal maysa kas iti panagtalinaed iti kinadalus iti aglawlaw.
Malaksid iti dayta ket ti panangipatungpal iti “5S” wenno ti Search and destroy mosquito breeding sites, Self-protection from mosquito bites, Seek early consultation for symptoms, Support fogging/spraying in high-risk areas, ken Sustain hydration.
