--Ads--
BAGUIO CITY – Karkaro pay a nanayonan ti kaso ti COVID-19 iti Cordillera Administrative Region.
Maibasar iti datos ti Department of Health – Cordillera, nailista ti 86 a kanayonan a kaso ti nasao a sakit idi kalman, no sadino, nailista ti 28 ditoy Baguio City, 38 sadiay Benguet, 18 sadiay Kalinga ken 2 sadiay Mountain Province.
Kabayatanna, naimbagan met dagiti 78 a pasyente ti COVID-19 ditoy rehiyon.
Manipod iti bilang dagiti naimbagan, nailista ti 23 ditoy Baguio City, 42 sadiay Benguet ken 13 sadiay Kalinga
Gapu iti dayta, dumanonen ita iti 5,657 ti pakabuklan a kaso ti COVID-19 ditoy Cordillera, 5, 128 dagiti naimbagan ken 61 dagiti pimmusay.
