BAGUIO CITY – Nainget a bambantayan ti Department of Health (DOH)-Cordillera ti kaso ti dengue iti rehion.
Sigun kenni DOH-CAR Regional Epidemiology and Surveillance Unit Senior Health Program Officer Karen Lonogan, awan ti indikasion a ngumato pay ti kaso ti dengue iti rehion ngem limmabes daytoy iti alert level threshold.
![](https://img.bomboradyo.com/baguio/2021/03/PreventDengue.jpg)
Kinunana a maysa a makitkita dagitoy nga ituntunda ti kaso ti dengue ti panagbalin a naissem dagiti umili kadagiti mula.
Maibasar iti datos ti ahensya, pakabuklan a dimmanon iti 3, 954 ti nailista a kaso ti dengue idi napalabas a tawen bayat a dimmanon iti 18 ti pimmusay.
Nakailista ti kaaduan a kaso ti dengue ti probinsiya ti Benguet a dimmanon iti 1,835, sarunuen ti Baguio City a dimmanon iti 1, 063; probinsiya ti Kalinga ken Mountain Province a dimmanon iti 371; probinsiya ti Abra a dimmanon iti 163 ken ti probisiya ti Apayao a 31.
Iti nasao metlaeng a datus ket nailista ti Baguio City ti kaadoan a kaso ti ipupusay gapu iti dengue a sinaruno ti Benguet iti 7 a bilang ti ipupusay ken ti probinsia ti Apayao ken Kalinga.
Kagiddan iti daytoy, nagpalagip ti ahensia iti panagsalwad dagiti umili kontra iti dengue babaen ti kanayunanda a panagdalus iti aglawlaw wenno arubayanda tapnu saan pagbalayan dagiti lamok.