![](https://img.bomboradyo.com/baguio/2024/06/Mushroom-poisoning.jpg)
Impablaak ti Department of Health (DOH) – Cordillera iti Facebook page dagitoy a ngimmato ti kaso ti mushroom poisoning iti rehiyon.
Sigun iti ahensiya, adda dagiti poisonous mushroom wenno makasabidong nga oong.
Impetteng ti Department of Health a makaapektar iti salun-at ti pannangan kadagiti poisonous mushroom gapu ta dagiti toxins a nilaon dagitoy ket apektaranna ti gastrointestinal system ken nervous system ti maysa a tao.
Sumagmamano kadagiti sintomas ti mushroom poisoning ket ti allergic reaction to abdominal pain, nausea, diarrhea, vomitting, hallucination ken behavioral changes nu sadino marikna dagitoy dua agingga dua pulo ket uppat nga oras kalpasan ti pannangan.
Imbalakad ti maseknan nga ahensiya a tapno maliklikan ti mushroom poisoning ket kanen laeng dagiti natalged nga oong a naggatang manipud iti supermarkets wenno direkta kadagiti mushroom growers.
Imballaag pay ti Department of Health nga iyadayo dagiti ubbing manipud kadagiti disso a mabalin a pagtuboan ti oong ken dagus nga agpakonsulta iti doktor nu makapasar kadagiti nadakamat a sintomas.