--Ads--
Kinumpirmar ti Sweden ti kaunaan a kaso daytoy iti mpox wenno monkey pox, maysa nga impesyon a maala babaen iti close contact wenno panakilangen-langen.
Sigun kenni Health and Social Affairs Minister Jakob Forssmed, nailista ti kaunaan a kaso ti mpox nga Clade I idiay Sweden idi kalman.
Immuna met nga indeklara ti World Health Organization ti mpox kas global health emergency para iti maikadua a gundaway iti las-od ti dua a tawen kasaruno ti napasamak nga outbreak iti Democratic Republic of Congo a nang-apektar kadagiti daduma a pagilian a pakairamanan ti Burundi, Kenya, Rwanda ken Uganda.
Kabayatanna, ti simtomas ti nasao a sakit ket kasla trangkaso ken ti panakaadda iti nana a sugat iti bagi.
