Naipatungpal ita nga aldaw ti kaunaan a National Job Fair iti maysa a kalatakan a mall iti siudad ti Baguio.
Daytoy ket nangrugi iti alas dies ti agsapa ken nagleppas iti alas kwatro ti malem.
Ti National Job Fair ket indaulwan ti Department of Labor and Employment Office ken Public Employment Service Office (PESO).
Iti panakiuman ti Bombo Radyo kenni Imelda Romanillos, Regional Director ti Department of Labor and Employment (DOLE)-Cordillera, dumanon iti sangapulo ket walo dagiti employers nga inimbitaran dagitoy iti rehiyon Cordillera no sadino agarup sangapulo ket innem dagiti employers manipud iti pribado nga ahensya ken dua manipud iti publiko nga organisasyon.
Dumanon met iti 1,052 dagiti naidiaya a trabaho a mabalin a pag-applyan, nasuruk walo gasot ti availbale manipud kadagiti pampribado a sektor bayat a dua gasot manipud iti govenrment sectors.
Dagitoy a job fair ket maysa a wagas tapno mapa-ado ken mapangato ti employment rate ti rehiyon cordillera ken mangipaay iti oportunidad kadagiti marigatan a makasarak iti trabaho
Ditoy a maidiaya dagiti nagduduma a trabaho manipud iti parabubliko ken pribado a sektor.
Dinar-ayan ken nakipasetan met dagitoy ti ado a katao nga agpangpanggep a makastrek iti trabaho.//via Bombo Noveh Organo
