Naituding a maipatungpal ti head-to-head a panagsinnango ni President Joe Biden ken sigud a President Donald Trump para iti kaunaan a “presidential debate” idiay Estados Unidos.
Mapasamak daytoy inton bigat, Hunio 27, alas siete ti malem iti oras ti Pilipinas.
Makipaset ti dua iti siam a pulo a minutos a debate idiay Atlanta, naidumduma manipod iti sigud a “presidential debates” nu sadinno, awan ti “studio audience” wenno presensia dagiti indibidual iti studio tapno agbuya.
Karaman kadagiti posible a topiko ket ti maipapan iti immigration, “abortion rights”, ti pannaka-convict ni Trump iti kasona maipapan iti “‘hush money’ payment”, ti panaggatang ken panagtagikua ni Hunter Biden ti paltog, ti ekonomia ken dadduma pay.
Ti sumagmamano a pagalagadan a saan nga aramiden ti dua ket ti pannakisaritada iti “campaign staff,” panagaramat ti notes ken ti saanda a panagsinga bayat ti debate.
Maiddep metlaeng ti microphone dagitoy malaksid iti kandidato a manarimaan nga agsasao.
Maipatangatang ti nasao a debate iti nalatak nga istasion idiay Estados Unidos.
Maipalagip a ti umuna a debate sadiay ket naipatungpal idi tawen 2020.
Kabayatanna, immanamong ni Biden ken Trump a maisayangkat ti maikadua a debate dagitoy inton Setyembre 10 iti agdama a tawen bayat a ti vice presidential debate ket inton July 23 wenno Aug. 13, 2024.
