--Ads--
Nagviral ti maysa a post ti estudyante iti social media kalpasan a nagbalin a “Manny bouquet” ti kiniddawna a “money bouquet” iti nanangna para iti moving-up ceremony.
Iti nasao a post, makita ti ladawan ti estudyante a ni Michelle Kee a nakakawes ti toga ken medalya bayat nga iggemna ti diploma kasta met ti bouquet daytoy a naglaon iti ladawan ni 8th division world champion ken sigud a senador Manny Pacquiao.
Gapu iti dayta, tinapalan ni Kee ti rupa daytoy iti emoji nga agsangsangit.
Addaan met ti caption ti nasao a post a “Mama, granted my wish.”
Nagduduma met ti reaksyon dagiti netizens seknan iti “money bouquet” a nagbalin a ladawan ni Manny Pacquiao.
