--Ads--
Ngimmato iti 53 ti bilang dagiti pimmusay iti limned nga MV Trisha Kerstin 3, kalpasan a narekober ti maysa a bangkay nga awanan iti ulo.
Nasarakan daytoy kabayatan ti dive operations iti baybay sadiay Baluk-Baluk Island sadiay Basilan idi Biernes, February 13, 2026.
Sigun kenni Philippine Coast Guard (PCG) Spokesperson Capt. Noemie Cayabyab, bimmaba iti 293 ti bilang dagiti nakalasat manipud iti immuna a bilang dagitoy a dumanon iti 316.
Inlawlawag ni Capt. Cayabyab a ti panagbaliw ti datos ket kalpasan a nabiripikar ti pakabigbigan dagiti pasahero.
Nadduma kadagiti nailista nakalasat ket naideklara a pimmusay.
Maibasar iti datos idi February 12, dumanon iti 26 paylaeng dagiti agtaltalinaed a mapukpukaw.
