--Ads--
Ngimmato iti 15% ti binulan a kontribusyon iti Social Security System kadagiti miembro nga adda kadagiti pampribado a sektor ita a baro a tawen.
Maysa a porsyento ti ngimmatianna manipud iti 14% idi napalabas a tawen.
Sigun iti Social Security System, daytoy ket kas maibasar iti Social Security Act of 2018 a pinirmaan ni sigud a President Rodrigo Duterte.
Karaman iti daytoy dagiti business employer ken dagiti empleyadoda, dagiti household employer ken dagiti kasambahay kasta met dagiti self-employed, voluntary ken dagiti land-based overseas Filipino workers.
