Inwaragawag ti Philippine National Police (PNP) a bimmaba ti bilang dagiti naireport a krimen iti pagilian kadagiti napalabas a tallo a bulan.
Sigun iti nasao nga ahensia, bimmaba daytoy ti 5,989 idi Agusto 26 agingga Oktubre 30, 2025.
Nababa daytoy no idilig iti 6,961 a kaso a nailista iti nagbaetan ti Hulio 2025 ken Agusto 25, 2025.
Kabayatanna, nangisayangkat ti PNP ti 9,061 nga anti-illegal drug operations, nagresulta daytoy iti pannakaarestar ti agarup 10,434 a personalidad ken pannakakompiskar ti agarup P1.91 billion a gatad ti kontrabando manipud Agusto 26 agingga Oktobre 30, 2025.
Sigun kenni acting PNP chief Police Lieutenant General Jose Melencio Nartatez Jr., saan laeng a nagpigsa a puersa ti polisia ti ar-aramiden dagitoy no di ket, maysa a serbisio ti polis a maikari iti panagtalek dagiti Pilipino.
