Agtaltalinaed nga “accurate” wenno umno paylaeng ti datos manipud iti Philippine National Police (PNP) a mangipasimudaag a nababbaba ti insidente ti krimen, sigun ken ni Lanao del Sur 1st District Rep. Zia Alonto Adiong.
Dinakamatna pay a ti maysa a saan a nasayaat nga insidente ket saan a mangpangato ti “rate” ti krimen.
Daytoy ket kinunana iti press briefing idi nasaludsod no ania ti takderna iti kinuna ti Philippine National Police a nababa ti crime rates kalpasan a nakidnap ken nasarakan a natay ti Filipino-Chinese businessman a ni Anson Que itay nabiit sadiay Rodriguez, Rizal.
Para kenni Adiong, ti insidente ket saan a mangpangato ti crime rate ken saan a mangbalido ti balligi ti Philippine National Police.
Maipalagip nga idi Abril a dos, pinagyamanan ni House of Representatives Speaker Ferdinand Martin Romualdez ti PNP gapu iti kinaaktiboda iti mandato a mangpasardeng ken manglapped iti krimen, indagadagna iti publiko nga ad-adda a nasiput kadagiti palso nga impormasion a nangato ti krimen iti pagilian.
Sigun kenni Romualdez, maiparparangarang iti datos ti PNP a ti crime rates ket bimmaba pakairamanan ti krimen a kas ti theft, robbery, rape, murder, homicide, physical injury, ken carnapping.
