Maysa kadagiti paborito a panghimagas ti kaadwan ti ice cream. Kadawyan nga addaan daytoy ti milky ken fruity flavors a magustuan unay nangruna dagiti ubbing.
Ngem kayatda ngata met a padasen ti ice cream nga addaan ti flavor ket toppings a “Kuriat”?
Ammoyo kadi mga kabombo nga adda ti naiyam-ammo idiay Germany a baro a barayti ti ice cream flavor? Dayta ti cricket flavored ice cream a naaramid iti Eiscafe Rino idiay Rottenburg, Germany nga ideya ni Thomas Micolino.
Idi naipablaak ti maipapan iti daytoy iti maysa a social media platform, nagduduma ti nagbalin a reaksyon dagiti netizens. Daduma ket nagustuanda, daduma ket nadismaya.
Nupay kasta,maipalpalubos ti panagkonsumo kadagiti taraon a nagtaud kadagiti insekto sadiay Europe ken maibilbilang daytoy nga environmentally-sustainable food gapu ta nabaknag dagitoy iti protina, ken daduma pay a napapateg a nutrients.
