BAGUIO CITY – Naiwaragawagen dagiti 50 a nangabak iti 18th National Gawad Kalamidad at Sakuna Labanan, Sariling Galing ang Kaligtasan wenno KALASAG 2016 ti National Disaster Risk Reduction and Management Council (NDRRMC).
Karaman kadagiti lugar a nangabak iti Gawad KALASAG ti La Trinidad Municipal DRRM Council kas second best iti sidong ti 1st to 3rd Class category bayat a ti Tublay Municipal DRRM Council ti first place iti sidong ti 4th to 6th Class category.
Makaawat dagiti first placers iti plaques ken cash prize a P100,000 para iti Heroic Act, P75,000 para kadagiti maikadwa a puwesto ken P50,000 para kadagiti maikatlo a puwesto.
Naamuan a ti Gawad KALASAG ket maysa a wagas tapnu mabigbig dagiti nagduduma nga stakeholders a nangdisenyo ken nangiyimplemtar iti DRRM programs tapnu masalwadan dagiti komunidad manipud iti aniaman a kita ti didigara.
Maangay met ti awarding ceremony inton Hunyo 8 ti agdama a tawen.
