--Ads--
BAGUIO CITY – Nakemmeg ti maysa a lalaki iti buy-bust operation nga insayangkat dagiti otoridad iti uneg ti maysa a computer shop sadiay T. Alonzo Street, Baguio City.
Nabigbig daytoy a ni Fernando Kaasi, 20-anyos, tubo ti Bolinao, Pangasinan ken residente ti Km. 6, La Trinidad, Benguet.
Nakemmeg daytoy kalpasan nga inlakona iti operatiba ti lima a pakete ti mapapati a marijuana nga agdagsen iti 30 gramo.
Naiturong metlaeng ni Kaasi iti Cordillera Regional Crime Laboratory para iti drug test.
Sumangsangon daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
