--Ads--
BAGUIO CITY – Pimmusay ti maysa a lalaki kalpasan a binagbagsol daytoy ti maysa a lalaki sadiay Bacsil-Angad, Bangued, Abra idi rabii kalman.
Nabigbig ti biktima a ni alyas Totoy bayat a nabigbig ti suspek a ni Jonarie Gupaal, 24-anyos ken residente ti nasao metlaeng a lugar.
Maibasar iti imbestigasyon ti pulisya, agin-inom iti arak ti suspek ken ti biktima iti kusina ti maysa a balay iti nasao a lugar.
Nupay kasta, timmaud ti saan a panagkinnaawatan dagitoy a nagresulta iti panangbagbagsol ti suspek iti nagduduma a paset ti bagi ti biktima.
Naitaray ti biktima iti pagagasan ngem naideklara daytoy a dead on arrival.
Nakemmeg met ti suspek ken ita ket sumangsango iti kaskenan a kaso.
