Kinumpirmar ti legal team ni sigud a President Rodrigo Duterte a naawatdan ti kopia ti dokumento a mangidetalye iti 181 a pidaso ti ebidensia kontra iti mapapati a pammapatay kas krimen kontra iti sangatauan.
Kinuna ti lead counsel ni Duterte a ni Nicholas Kaufman nga iggemda ti umuna a “batch” dagiti dokumento iti Office of the Prosecutor ti International Criminal Court.
Ti dokumento ket napanagan kas “Prosecution’s First Communication of the Disclosure of Evidence” a mabalin a maimatangan iti website ti International Criminal Court.