Pimmusay ti lima a kameng ti Provincial Mobile Force Company ti Shariff Aguak ti nakumpirmar a pimmusay maibasar iti impormasyon nga impakaammo ni PNP-BARMM spokesperson Capt. Steffi Salanguit.
Dagiti biktima ket paset iti 2nd Provincial Mobile Force Company ti Maguindanao del Sur Philippine National Police.
Napasamak ti ambush iti paset ti Barangay Mother Poblacion, Shariff Aguak, Maguindanao del Sur pasado alas 9:00 ita a rabii.
Maibasar iti report, pasubli kuman idiay Camp Datu Akilan, Maguindanao Del Sur Police Provincial office ti PNP Mobile Car nga addaan body number 767 manipud iti panagpatrolyada idi killaat a inambush dagitoy dagiti suspek.
Naamuan a walo a pulis ti naglugan iti nasao a patrol mobile, lima kadagitoy ti pimmusay a nabigbig a da Pat Kenneth Perocho, Pat Al-Fatah Marohom, Pat Amil Bangsa, Pat Arsenal Sivih, Pat Sayed Ridwan bayat a dagiti nakalasat met ket da PLT Alfred Gregory, PSSg Adam Kamarudin Kansi, ken Pat Abubakar Lauban a mannarimaan nga agpatpataming ita iti ospital.
Agtultuloy pay laeng ti imbestigasyon dagiti otoridad tapno mabigbig no asino ti adda iti likod ti panangambush ken anya ti motibo dagitoy. //bombokaren.c.s
