--Ads--
INTERNATIONAL- Natalgeden ti kasasaad dagiti lima a Pilipino a karaman kadagiti naapektaran bayat iti napasamak a turbulence iti Singapore Airlines flight itay laeng nabiit.
Kinumpirmar daytoy ni Philippine Ambassador Millicent Cruz, bayat ti panagbisitana iti hospital a pagpapaagasan dagitoy.
Maipalagip a karaman dagiti lima a Pilipino kadagiti dua gasut a pasaheros iti London-to-Singapore flight a naapektaran iti nakaro a turbulence idi Mayo baente uno.
Sigun kenni Cruz, saan pay dagitoy a nadischarged agsipud ta kasapulan paylaeng iti naan-anay nga obserbasyon.
Kabayatanna, impasigurado ni Cruz, a mangipaay ti Philippine embassy iti tulong para kadagitoy.
Iti agdama, agpatpataming paylaeng dagitoy iti pagagagasan.
