Sumangsango ti lima a suspek iti kaso a panaglabsing iti Republic Act 9165 wenno ti “Comprehensive Dangerous Drugs Act of 2002” sadiay Brgy. Curifang, Solano, Nueva Vizcaya itay nabiit.
Daytoy ket kalpasan a nakumpiskar kadakuada dagiti iligal a droga nga aggatad iti P143, 736 kasta metten dagiti drug paraphernalia ken vape cartridges a maatap a naglaon iti marijuana oil kabayatan ti anti drug operation ti Philippine Drug Enforcement Agency- Region 2 Nueva Vizcaya Provincial Office kaduada ti Philippine Drug Enforcement Agency-Cordillera Kalinga Provincial Office.
Iti nasao nga operasyon, maysa a suspek ti nangilako iti shabu nga agdagsen iti maysa a gramo iti maysa nga undercover agent.
Dagus met a napusasan daytoy kaduana ti uppat nga indibidual a nakaalan ti kanayunan a baente a gramo ti shabu.
Daytoy a balligi nga operasyon dagiti otoridad ket mangipakpakita iti panagregget dagitoy tapno magun-od ti drug-free community.
