Pagsagsaganaan itan ti lokal a gobyerno ti La Trinidad, Benguet ti pannakarambak ti makabulan nga Strawberry Festival.
Maitampok iti nasao a festival dagiti 21 a local government unit led activities ken 10 a community led activities a mangrugi inton March 4, 2024.
Sigun kenni Mayor Romeo Salda, ti tema ita a tawen ket La Trinidad: The Strawberry Capital of the Philippines wenno ti Ibaloi term a (Sirom ni Duting).
Inlawlawagna a panggep ti Strawberry Festival nga ipakaammo a ti strawberry ti One Town One Poduct ti munisipyoda.
Mapadpadaan met ti Street Dancing Small Floats ken Drum and Lyre Performances kas highlights ti Strawberry Festival inton Marso 16 ken ti Strawberry Cake fest inton Marso 17.
Sigun pay kenni Mayor Salda, adda ti maisagana a cupcakes
ita a tawen a mailako iti publiko iti nababa a presyo.
Naipanamnama met ti panakipaset dagiti 16 a babbarangay iti float parade; walo a pagadalan iti drum and lyre ken sangapulo a participants iti cultural dance.
Agserbi met kas kangrunaan a sangaili ni Senator Imee Marcos.
