BAGUIO CITY – Nangrugin a marikna ti nababa a temperatura ditot siudad ti Baguio kalpasan a nailista itay agsapa ti kababaan a temperatura para ita a baro a tawen 2021.
Sigun kenni weather forecaster Letty Dispo, nailista idi parbangon ti 11.0°C a kababaan a temperatura iti Baguio.
Posible met a mailista ti nababbaba a temperatura ditoy siudad kadagiti masungad nga aldaw ken lawas.
Nupay kasta, nababbaba ti temperatura kadagiti nangangato a munisipyo iti Benguet, Mountain Province ken Ifugao.
Naamuan nga iti Mount Pulag a masarakan sadiay Kabayan, Benguet ken maikadua a kangatuan a bantay iti pagilian ket kadawyan nga agay-ay-ayam ti temperatura iti summit daytoy iti 4-6°C.
Maibasar iti rekord ti PAGASA, nailista ti 6.3°C a lowest temperature ti City of Pines idi January 18, 1961 a sinaruno ti 6.7°C idi February 23, 1963 ken 6.8°C idi January 8, 1968.
