Kiniddaw ti grupo dagiti manursuro iti Department of Education (DepEd) a maimbistigaran ti maatap nga “item-for-sale” scheme wenno pannakailako dagiti teaching position iti parapubliko a pagadalan iti pagilian.
Sigun kenni Teachers’ Dignity Coalition (TDC) National Chairperson Benjo Basas, nakaawat ti grupo dagitoy iti kapada nga impormasyon seknan iti sumagmamano nga indibidual nga agkidkiddaw iti bayad kasukat ti promotion, plantilla teaching wenno administrative positions.
Innayon ni Basas a kaadduan kadagiti nakaalaanda iti impormasion ti nagkedked a mangibutaktak, gapu iti butengda iti pagbanagan ti karera dagitoy.
Kabayatanna, impeksa ti nasao nga opisial ti panang-apresiarda iti panagkumit ni Department of Education Secretary Sony Angara iti integridad ken propesionalismo iti DepEd.
Nupay kasta, nainget nga idagadagda iti DepEd ti pannakairugi ti imbestigasion.
