BAGUIO CITY – Nagleppasen ti maika-dua a quarter ti school year 2023-2024 kagiddan ti pannakarambak ti year-end party dagiti estudyante ken mannursuro iti nagduduma a pagadalan iti rehiyon Cordillera.
Iti interview ti Bombo Radyo kenni Rosita Agnasi, Officer-in-Charge ti Human Resource and Development Division iti Department of Education – Cordillera, kinunana a ti pannakarambak ti paskua daytoy ket paset ti kultura tapno tagiragsaken dagiti ubbing ken dagiti manursuro.
Impeksa ni Agnasi nga adda met dagiti programa ti Department of Education kagiddan ti paskua kas ti tree planting, seminars ken dadduma pay.
Mainaig iti dayta, dinakamatna nga agtalinaed nga agduty dagiti non-teaching staffs kadagiti opisina dagitoy agingga inton Disyembre 29 iti agdama a tawen.
Ipalpalagip met ni Agnasi kadagiti ubbing ken dagiti nagannak nga agsubli dagitoy inton Enero 3 para iti maika-dua a quarter ti S.Y. 2023-2024.//Rosemarie Bulsao
