![](https://img.bomboradyo.com/baguio/2021/05/free-ride-Trancoville-Ambiong-Brookside-Line-5.jpg)
BAGUIO CITY – Nailukat ti maikapito a ruta para iti 24/7 free ride para kadagiti amin a health care workers iti rehion Cordillera.
Sakupen ti Trancoville- Ambiong-Brookside Line ti ruta a Pines City Doctors Hospital – M. Roxas Trancoville – Brookside – T. Bugallon Street – Bayan Park – Ambiong Barangay Hall – Bayan Park Road – Evangelista Street – Sanitary Camp – Magsaysay Avenu – Pines City Doctors Hospital.
Maikalkalikagum laeng ti panangiparang dagiti benipisaryo iti kaskenan nga ID para iti panakabigbig dagitoy.
Maipalagip a narugian ti libre a transportasyon para kadagiti amin a healh care workers idi napalabas nga Abril 27 ken iti umuna a lawas ti operasyon ket nasurok 1,000 a health care workers ti sinerbisyoan ti tallo a ruta ken 11 nga yunit ti parapubliko a lugan.
Immunan a nailukat dagiti innem a ruta a bukbuklen ti CBD, Irisan, Balacbac ken Dontogan ditoy Baguio City ken ti Shilan ken Pico-Puguis-Housing sadiay Benguet.