BAGUIO CITY – Balligi a naiyemplementar ti ‘No Skirt Policy’ kadagiti pribado ken parapubliko a pagadalan iti entero a probinsia ti Benguet iti uneg ti nasurok makabulan.
Maitunos daytoy iti rekomendasyon ti Provincial Health Office a temporaryo a panakasuspindir ti panagisuot dagiti estudyante a babbai iti skirt nga uniporme dagitoy.
Inaprobarn met ni Governor Melchor Diclas ti nasao a rekomendasyon.
Sigun kenni DepEd-Benguet Schools Division Superintendent Marie Carolyn Verano, agsusuot paylaeng dagiti babbai nga estudyante iti jogging pants ken jeans tapno maprebentaran ti panakakagatda kadagiti lamok a carrier ti dengue virus.
Dinakamat ni Provincial Health Officer Dra. Nora Ruiz a ti rekomendasyon ket paset ti addang tapnu tapno saanen a manayunan ti kaso ti dengue iti intero a probinsia.
Sigun kadagiti maseknan nga ahensia, naballigi ti nasurok makabulan nga implementasion ti nasao a polisiya gaputa naobserbaranda ti panagtulnog dagiti amin a pagadalan iti nasao a mandato. (-with Bombo Florence Paytocan)
