Dinadael dagiti ginasgasut nga indibidual a mangsupsuporta kenni South Korean President Yoon Suk Yeol dagiti sarming a tawa gapu iti pannakailaylayon ti pannakaibaludna.
Ni Yoon ti kaunaan a nakatugaw a presidente ti South Korea a nakemmeg bayat a sangsanguenna dagiti alegasion ti insurrection mainaig iti nakaskasdaaw a panangideklarana ti martial law idi Disiembre a tres idi napalabas a tawen.
Kalpasan nga inwarawag ti korte ti desision dagitoy idi kalman, simmangbay dagiti mangsupsuporta ken Yoon iti pasdek ken inatakeda dagiti kameng ti pulisia ngem inkagumaan latta a nilapdan dagiti otoridad.
Sumagmamano pay kadagiti nagprotesta ti nagbettak kadagiti fire extinguisher, pinadasda pay a dinadael ti linya dagiti pulis nga agbanbantay iti sanguanan ti pagserkan, ken pinirdida dagiti alikamen ti opisina, fittings ken muebles, kas maimatanagn iti CCTV footage.
Ngem kalpasan ti sumagmamano a minutos, insimpa dagiti otoridad dagiti nadadael ken impablaakda a nakemmeg ti uppat a pulo ket innem a nagprotesta nga iti agdama ket sapsapulenda dagiti dadduma pay a karaman.
Iti benneg dagiti police officers, siam kadakuada ti nadangran iti pannakariribuk nu sadinno, nagsagrapda ti “minor injuries.”
