--Ads--
BAGUIO CITY – Pimmusay ti maysa a mannalon kalpasan ti maatap a panakalmesna iti Saltan River sadiay Taga, Pinukpuk, Kalinga idi Martes.
Nabigbig daytoy a ni Rocky Paul Pasingan, 35-anyos ken residente ti Ballayangon, Pinukpuk.
Maibasar iti report, nagturong ni Pasingan, ti kabsatna ken dagiti sumagmamano a kabagianda iti karayan tapnu agtiliw ti ikan.
Kabayatan ti panagtiliw dagitoy iti ikan ket timmakder ni Pasingan iti ngato ti maysa a bato ngem sadiay a naikadlis ken natnag iti karayan.
Dagus met daytoy nga inispal dagiti kakadwana ken itarayda iti Rural Health Unit sadiay Barangay Taga ngem indeklara ti attending physician a dead on arrival.
