--Ads--
BAGUIO CITY – Pimmusay ti maysa a mannalon bayat a nadangran ti kasinsinna iti panakatnag ti luganda iti rangkis sadiay Topdac, Atok, Benguet idi agsapa.
Nabigbig ti pimmusay a ni Jonas Mayos, 29-anyos, driver ti lugan bayat a nabigbig ti nadangran a ni Brent Mayos, agpada a residente ti Topdac, Atok.
Maibasar iti impormasyon a naala ti Bombo Radyo Baguio manipud iti kabagian dagiti biktima, paturong kuma ti nasao a lugan sadiay La Trinidad, Benguet tapnu agitulod ti nateng idi napasamak ti insidente.
Mapapati a nabitin ti lugan iti pasang-at a paset ti kalsada.
Naamuan pay a nauneg ti rangkis a nakatnagan ti lugan.
Dagus met a nagresponde dagiti maseknan nga umili sadiay ken nagtinnulongda iti panakaiyaon dagiti biktima.
