Impakaamo ti lokal a gobyerno ti La Trinidad a nagsanod ni BEN P. CAYABAS, makinkukua iti Datanian’s Batching Plant a mapangpanggep a maipatakder iti paset ti Baguio-Ambuklao Road, Barangay Beckel, La Trinidad, Benguet ti dagos a pannakakanselar iti Environmental Compliance Certificate (ECC) a nai-isyu kenkuana babaen iti Environmental Management Bureau (EMB) tapno mangipatakder iti planta.
Sigun iti pablaak ti munisipyo ti La Trinidad, impeksa ni Cayabas a saandan nga ituloy ti panangipatakder iti planta iti nasao a lugar. Kasaruno daytoy iti nainget a panagkontra dagiti residente iti nasao a proyekto.
Maipalagip a nainget a binabalaw ti komunidad ken dadduma a residente sadiay ti nasao a proyekto gapu iti patienda a saan a nasayaat nga epekto daytoy iti aglawlaw. //bombokaren.c.sapirao
