Idagdagadag ita da Senador JV Ejercito ken Senador Risa Hontiveros ti pannakaipasa ti Senate Bill No. 2 wenno Masterplan on Infrastructure and National Development (MIND) Act, maysa a gakat a mangitantandudo iti naurnos ken nalawag a panangipatungpal kadagiti proyekto iti imprastraktura.
Sigun kenni Ejercito, makatulong ti nasao a gakat tapno maliklikan ti iregularidad iti panangpili ken panangipatungpal kadagiti infrastructure projects.
Innayon daytoy a babaen iti nasao a gakat, maituloy dagiti napapateg nga imprastraktura uray nu agsukat ti administrasyon.
Kabayatanna, kinuna met ni Sen. Hontiveroa a napateg ti kaada ti maysa a masterplan tapno maliklikan dagiti kwestionable a proyekto.
Innayon daytoy a nu awan gamin ti nalawag a plano, agbalin metlaeng a nagulo ti pananggastos ti pondo ti gobyerno. //bombokaren.c.sapirao
