Pimmusay ti maysa a lalaki a mapapati a nakainom ti arak kalpasan a nalmes iti swimming pool idiay Poblacion, Itogon, Benguet.
Sigun kenni PMAJ Mac Kenley Mayomis ti Itogon Municipal Police Station, nagturong ti biktima kaduana ti lima pay a lalaki sadiay Itogon tapno agswimming.
Naammoan a nag-iinom ti biktima ken dagiti kakadwana.
Agarup alas dose ti parbangon idi kalman a napasamak ti nasao nga insidente.
Dagus met a nagresponde dagiti otoridad ken naitaray ti biktima iti ospital ngem naideklara daytoy a dead on arrival.
Sigun kadagiti kakadua ti biktima, saanda ammo nu anya ti talaga a napasamak gaputa nakainom metlaeng dagitoy bayat nga awan ti CCTV footage iti nasao a lugar a mabalin a maaramat para iti imbestigasyon.
Iti agdama, malamlamayan iti pagtaenganda ti biktima.
Nabigbig daytoy a taga-Balili, La Trinidad, Benguet.//G & M
