Naarestar ti vlogger a ni Norman Mangusin wenno ni Francis Leo Marcos idi kalman.
Iti mensahe ni National Police Commission (NAPOLCOM) Commissioner, Vice Chairperson and Executive Officer Atty. Rafael Vicente Calinisan, kinumpirmarna a naiserbi ti arrest warrant nga inpaulog ti Regional Trial Court Branch 294 kontra kenni Mangusin iti maysa a hotel idiay Paranaque.
Daytoy ket para iti kaso nga “unjust vexation” nga impila kontra kenkuana ti padana a vlogger.
Kabayatanna, konektado metlaeng daytoy iti kaso ti saan nga otorisado a panag-suot ti uniporme dagiti pulis.
Kalpasan daytoy iti kontrobersyal a ladawanna a panagaramatna ti police uniform.
Inwaragawag met ni Calinisan a kasapulan nga agbayad dagiti mangararamid ti panang-abuso iti sistema. Impettengna pay nga awan ti lugar iti panangloko iti linteg.
Adda meten ni Mangusin iti kustodiya ti kapulisan kabayatan iti pannakaiproseo ti kaso daytoy.
Maipalagip a ni Mangusin ti vlogger a nagkawes ti uniporme ti pulis a saan nga otorisada-banag a nalawag a pananglabsing iti Article 179 wenno Illegal use of Uniforms or insignia. //BomboKCS
