Ka-Bombo kabaelam kadi nga agresign iti trabahom para iti ayat?
Maysa a lalaki ti nangikeddeng nga agisubmitir iti resignation letter, tapno agikkat iti trabaho kalpasan a maaw-awan daytoy iti oras para iti “babe time” iti nobyana.
Sigun iti lalaki, kanayon nga agayab ti nobyana para iti date tungpal Biernes ken Sabado, ngem kanayonna a paeyen gapu iti dutyna.
Into met Domingo, awan latta ti orasna agsipudta kasapulanna pay a makimisa ken aglaba.
Gapu iti daytoy, kanayun a bagaan ti nobyana a puro latta rason daytoy, mangrugi iti Lunes agingga iti Domingo.
Tapno saanda nga agsina iti nobyana, inkeddengna lattan nga agresign.
Nakaala daytoy iti nagduduma a reaksion manipud iti netizen, nu sadino dadduma ti nagkommento, nga adda man ti date dagitoy ngem awan met ti pang-dateda.
Dadduma pay ti napa-sana all, agsipudta kabaelan ti lalaki nga i-give up ti kwatra para iti nobya daytoy.
Nupay kasta adda met dagiti netizen ti nangibaga a nasken nga ipateg ken ayaten ti trabaho, gaputa narigat ti maawanan iti panggedan ita a panawen, no sadino time management laeng ti solusion.
