Agsagsaganan ti maysa nga ethnic militia ti Myanmar a mangipasubli kadagiti sangapulo a ribo nga indibidual a karaman kadagiti cyber scam iti lugar a kontrolado idiay Thailand kas paset ti crackdown kadagiti maiparit a compound.
Sigun kenni Karen Border Guard Force (BGF) spokesman Major Naing Maung Zaw, dagiti scam compound ket maimatangan iti nagbeddengan ti Myanmar ken ipatpataray ti ganggannaet a masansan a mapilpilitan nga agtrabaho, ken mangloko kadagiti tattao iti intero a lubong nu sadinno, aggatad iti binilbilion a dolyar ti mapapataudda.
Maaramid ti “deportations” iti grupo a buklen ti 500 iti tunggal aldaw.
Nangipatuloden ti Karen Border Guard Force (BGF) ti innem a pulo ket maysa nga indibidual iti border bridge ti Thailand ken agsagsaganan para iti panangipaay ti agarup lima gasut nga indibidual a buklen ti nagduduma a nationalities.
