Maysa kadagiti nagdakkel a “dilemma” dagiti nagannak iti agdama ket ti panagbabad dagiti ubbing iti selpon dagitoy wenno dadduma pay a gadgets.
Daytoy ket gaputa maysa a kalakaan a wagas tapno agtalna wenno saan a maboring dagiti ubbing.
Ngem iti maysa a napasaran ni Armando Hart ken ti asawana nga agnanaed idiay California, USA, naidumduma latta ti traditional parenting style dagitoy.
Nakayatan ti netizens ti viral Tiktok video nu sadinno, imbinglaynsa ti posible a mapasamak nu libro ti ipaayna iti anakna imbes nga smartphone.
Ti video ket nai-upload idi Marso 23, 2024 iti account ni Armando.
Addaan daytoy ti caption a “We’re so blessed with our son Raya” ken “I think he’s read more books than I have.”
Iti video gamin, mabuya iti ag-ama a nakasakay ti kotse ken bayat nga agmanmaneho ni Armando ket agbasbasa ti libro ni Raya.
Sigun kenkuna, ipaayam ti libro imbes a selpon bayat ti kinaubingda ket maimatangam ti resultana.
Imbinglay pay ni Armando a manipod ubing ni Raya ken saanna pay nga ammo nga agbasa ken tunggal rabii a maibasbasaan daytoy iti libro sakbay a maturog.
“It was all about leading by example and creating a nurturing environment where reading was celebrated.”
Iti agdama, tagtagiraksakinen ni Raya iti panagbasa ti libro—educational man daytoy wenno nobela.
Mabuya pay iti video a bayat nga agbasbasa, ti ubing ket naka-iggem pay ti maysa a baso ti “lemonade” a daytoy mismo ti nagtimpla.
